الرئيسيةاليوميةس .و .جبحـثقائمة الاعضاءالمجموعاتالتسجيلدخولتسجيل دخول الاعضاء

للتسجيل اضغط هـنـا


شاطر | 
 

 على رعشة ظما جيتكـ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
albrens
المـديـر العـــام
المـديـر العـــام


عدد المساهمات : 320
الجنس : ذكر
عدد النقاط : 993
تاريخ التسجيل : 01/03/2011

مُساهمةموضوع: على رعشة ظما جيتكـ    الثلاثاء أبريل 05, 2011 9:09 am

/

على رعشة ظما جيتك .. أبي نظره على حالي
أبيك تشوف محبوبك .. كيـف ان القـدر خانـه


أجيك وكلي ياصغري .. وقلب من الكبر خالـي
وأحـاول قـد ما أقـدر .. أدور للرضـا خـانـه



آنا لو قلت آنا أحبـك .. وحبـك مشغـلٍِ بالـي
تصفق لي عروق القلب .. تغني لي على ألحانـه


آخاف آطيح من عينك .. بعد ماكنت آنـا غالـي
آخاف آكون ذاك اللـي .. فقـد ربعـه وخلانـه


آخاف أني أصوّت لك .. وآصيح بصوتي العالـي
وآخاف أنك تجاهلني .. وتنكـر قلبـي واعلانـه


آنا وشلون أسولف لك ..؟ وأعبر لك عن احوالـي
عطني فرصه وازهلها .. أخلـي الدنيـا رويانـه


قلوبٍ ترتجي وصلي .. وآنا أكبـر منهـا بوصالـي
أبيع قلوب حبتنـي .. وكـل هـذا علـى شانـه


انادي له حبيب الروح .. تعـال وخلـك قبالـي
تعال وكلي سميتـك .. ( قصيدة عشق وقلـبٍ ياكبـر شانـه)


تعال وننسى دنيانا .. ونسكـن برجنـا العالـي
ونكتب للحزن فارق .. ماعـاد لدمعتـك خانـه


حبيبي لـو تناسيتـك .. أمانـه منهـو يبقالـي؟
بشر ماهمهم قلبـي .. بشـر والدنيـا خوّانـه


هذاك بيفرح لموتـي .. وذاك بيشمـت بحالـي
قلوبٍ ماتعرف الحب .. علـى هالدنيـا غلطانـه


حبيبي لو
بغيت [الموت .. أبيـك تكـون قتّالـي
بشرع الحب آنا مسامـح .. أذا هالدنيـا زعلانـه


ولو ماودك بموتي .. أكـون بسجنـك أحلالـي
سجينك من وسط سجنـه .. يناديلـك ياسجّانـه


أحبـك يالغـلا دامـك .. بقلـبـي الأول التـالـي
طيري في سما صـدرك .. يرفرفلـك بجنحانـه


أبيك تعيشني قصـة .. قبـل موتـي وترحالـي
قبل لايندفـن شوقـي .. مـدام كفوفـي عطشانـه


حبيبـي طالبـك طلبـه .. اذا وصلـك تهيّا لـي
ترا عمر الزمن جافي .. ولـو ضمتنـي أحضانـه



أبيك تضمني حتى .. تشوف أنـه هـدا بالـي
وأذا حسيت في روحي .. تراها حيـل ولهانـه


أبي أغفى على ثغرك .. وأذوب بريقك الحالي
وأذا صحتني مزونك .. تراها الـروح سكرانـه



أبي أقهر قلوب البعض .. ومنها قلوب عذّالـي
أبي أدبل كبـود اللـي .. بغـت حزنـي وعنوانـه


أبي لامنهم دروا عنك .. ترفع حاجبـك عالـي
رجيتك أسكت وطالـع .. هـذولا نـاس مرضانـه


فديت حجاجك ورمشك .. فديت الطيّب الغالـي
فديت أسمك ,, أذا أسمك .. اهـو قافـي وعنوانـه




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://7silentlove.ahlamontada.com
 
على رعشة ظما جيتكـ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات الادبية :: خواطر وعذب الكلام-
انتقل الى: